|
|
སློབ་གྲྭའི་ལོ་རྒྱུས།བཀུར་འོས་གཅེན་མོ་བོད་དུ་འཚམས་གཟིགས་ཕེབས་སྐབས། བོད་དུ་རྒྱ་མིའི་སྲིད་གཞུང་འོག་འཚར་ལོགས་བྱེད་བཞིན་པའི་བོད་ཕྲུག་རྣམས་ལ་སློབ་སྦྱོང་གི་གོ་སྐབས་དབེན་ཞིང་ཉམ་ངའི་གནས་སུ་གྱུར་པ་མངོན་སུམ་མཐོང་ཆོས་གྱུར་རྐྱེན། བོད་ནས་རྒྱ་གར་དུ་འབྱོར་བཞིན་པའི་བོད་ཕྲུག་རྣམས་ལ་སྡོད་ཁྱིམ་དང་ཤེས་ཡོན་གྱི་གོ་སྐབས་དགོས་གལ་ཆེན་པོར་གཞིགས་ཏེ། ཕྱིས་དེ་དག་གི་སླད་དུ་སྐུའི་གཅེན་མོས་ཤེས་ཡོན་གྱི་ལྟེ་གནས་སློབ་གྲྭ་གང་མང་ཆེད་འཛུགས་གནང་འབྲས་ཀྱི་ཆ་ཤས་སུ་དྷ་ཤོང་བོད་ཁྱིམ་སློ་གྲྭ་འདི་ཉིད་འཛུགས་གནང་མཛད་པ་ལགས། ཕྱི་ལོ་ ༡༩༨༠ ལོར་བོད་ནས་གསར་དུ་འབྱོར་བའི་བོད་ཕྲུག་གྔས་འབོར་མང་པོ་བྱུར་རྐྱེན་བོད་ཁྱིམ་སློབ་གྲྭ་ཨ་མའི་ནང་དུ་བོད་ནས་འབྱོར་བའི་སློབ་ཕྲུག་གྲངས་འབོར་མང་དྲགས་པའི་གནོན་ཤུགས་ཀྱི་དཀའ་ངལ་སེལ་ཐབས་དང། སློབ་ཕྲུག་རྣམས་ལ་སྡོད་གནས་དང་ཤེས་ཡོན་གྱི་གོ་སྐབས་འཐུས་ཚང་བསྐྲུན་ཕྱིར་སློབ་གྺ་ཟུར་དུ་དགོས་རྒྱུ་གལ་ཆེ་མཐོང། བཙན་བྱོལ་བོད་པའི་སློབ་གྲྭའི་ནང་དུ་བོད་ཕྲུག་ཡོངས་རྫོགས་ལ་སློབ་སྦྱོང་བྱེད་རྒྱུའི་གོ་སྐབས་སྤྲོད་པའི་སློབ་ཁག་ཉུང་དྲགས་ཏེ། བོད་ཕྲུག་རྣམས་བོད་པའི་ཆོས་རིག་ཡུལ་གོམས་གང་ཡང་མེད་སའི་རྒྱ་གར་སློབ་གྲྭའི་ནང་དུ་འཛུལ་ཞུགས་མི་ལེན་ཐབས་མེད་དུ་གྲཡུར་ཉེན་ཡོད་པ་དང། རང་གི་ཕ་མེས་ནས་བརྒྱུད་པའི་གོམས་གཤིས་དང་བོད་པའི་ངོ་བོ་བརླག་རྒྱུའི་དངོས་འབྲེལ་དཀའ་ངལ་བཟློག་སླད་ཕྱི་ལོ་ ༡༩༨༤ ལོར་སློབ་གྲྭ་འདི་ཉིད་གསར་དུ་བཙུགས་པ་ཞིག་ཡིན། དྷ་ཤོད་སློབ་སྤྱིའི་ལས་ཐོག་
དྷ་ཤོད་གལ་ཆེའི་ལས་ཐོག་
|
 |