|
|
|
|
|
 རྡ་ཤོད་བོད་ཁྱིམ་སློབ་གྲྭ་ནི་ཕྱི་ལོ་ ༡༩༨༤ ལོར་གསར་འཛུགས་བྱས་པའི་གཏན་སློབ་དང་ཉིན་སློབ་གཉིས་ཀས་སློབ་སྦྱོང་བྱེད་སའི་འབྲིང་རིམ་བར་མའི་སློབ་གྲྭ་ཞིག་ཡིན་ཞིང། སློབ་གྲྭ་འདི་ནང་མཐུན་མིན་བོད་ཀྱི་ཆོས་རིག་གོམས་གཤིས་སློབ་སྦྱོང་སྤྲད་པའི་བརྒྱུད་བོད་མིའི་ངོ་བོ་སྲུང་སྐྱོབ་ཐུབ་ཙམ་མིན་པར་དེང་དུས་ཀྱི་རིག་པ་དང། ལྷག་པར་སློབ་ཕྲུག་གི་དགོས་མཁོ་དང་འཚམས་པའི་གཟུགས་པོ་དང་ཀླད་པ་དང་སེམས་ཀྱི་འཚར་ལོངས་ཐོག་ལ་མཐུན་འགྱུར་གཟིགས་རྟོག་བྱེད་བཞིན་ཡོད། དེ་བཞིན་སློབ་ཕྲུག་རྣམས་ཀྱི་རྒྱུད་ལ་རང་ལས་གཞན་གཅེས་པར་འཛིན་པའི་བསམ་སྤྱོད་སྤེལ་ཏེ་མཉམ་མེད་ཤཱཀྱ་ཐུབ་པའི་བསླབ་བྱ་སློབ་སྟོན་ཞུ་རྒྱུའང་དམིགས་ཡུལ་ཆེན་པོ་ཞིག་ཡིན།
འདི་ནས་སློབ་ཕྲུག་གི་ནུས་པ་དང་བསྟུན་ནས་སྒོ་གསུམ་གྱི་བསམ་སྤྱོད་ཡར་རྒྱས་འགྲོ་སླད་མཐུན་རྐྱེན་སྦྱར་བ་ཇི་བཞིན་མ་འོངས་པར་འདི་ནས་ཐོན་པའི་སློབ་ཕྲུག་ཕོ་མོ་རྣམས་རང་ཁུར་རང་འདེགས་ཀྱི་རང་རྐྱ་འཕེར་ཞིང། བོད་པའི་སྤྱི་ཚོགས་སུ་ཞབས་འདེགས་ཞུས་ཐུབ་པའི་ཡིད་ཆེས་བྱེད་བཞིན་ཡོད། |
| |
 སློབ་ཕྲུག་རྒན་པའི་བོད་སྐད་གཏམ་བརྗོད་ ( ༢༠༠༩། ༠༤ །༠༩)
ད་ལོའི་བོད་སྐད་གཏམ་བརྗོད་དེ་ཉིན་རྒྱབ་ཟུར་སྦྱོང་ཚོགས་ཐེངས་ཀྱི་རྗེས་ཚོགས་ཡོད་། སློབ་མ་རྒན་པའི་གཏམ་བརྗོད་ཀྱི་བརྗོད་གཞི་ཕལ་ཆེ་བ་དུས་རྒྱུན་མི་ཚེའི་ནང་འཕྲད་བཞིན་པའི་དོན་གནད་མང་པོ་ཞིག་གི་ཐོག་གཞི་བཞག་ཡོད་འདུག ད་ཐེངས་ཀྱི་གཏམ་བརྗོད་ཀྱི་ནང་དོན་སློབ་མ་རང་ཉིད་ནས་འདེམས་ཡོད་པ་མ་ཟད་ སྦྱོང་བརྡར་ཡང་རང་ངོས་ནས་འབད་རྩོན་ཤུགས་ཆེ་བ་བྱེད་ཡོད་། སློབ་མ་སོ་སོས་ བཞད་གད་ གནད་ལུགས་ སྐྱེ་བོ་སོ་སོའི་བསམ་བློ་བཏང་སྟངས་སོགས་ གཏམ་བརྗོད་ཀྱི་ རྒྱུ་རྩལ་བརྒྱུད་ནས་ཚོགས་ཁང་ནང་དུ་བཞུགས་ཡོད་པའི་སྐྱེ་བོ་ཀུན་ལ་འབག་ཆགས་ངེས་ཅན་ཅིག་བཞག་ཐུབ་སོང་། |
| |
 མཁས་དབང་གི་གསུང་གཤད། ( ༢༠༠༨། ༠༥ །༡༦)
འཚེ་མེད་ཞི་བའི་སྦྱོང་བརྡར་ལྟེ་གནས་ཁང་གི་ངེས་སྟོན་པ་ཆེན་པོ་བསྟན་པ་བསམ་མཁར་ལགས་དང་སྦྱོང་བརྡར་འགན་འཛིན་ལྷག་པ་སྐྱིད་འཛོམས་ལགས་རྣམ་པ་གཉིས་ཆེད་མངགས་གདན་ཞུས་ཀྱིས་འཚེ་མེད་ཞི་བའི་ཐོག་ལ་གསུང་བཤད་གནང།
རྣམ་པ་གཉིས་ནས་གཞུང་འབྲེལ་མིན་པའི་ཚོགས་པ་འདི་ཉིད་གསར་འཛུགས་ཇི་ལྟར་གནང་ཚུལ་དང། དེའི་དགོས་དམིགས། ལྷག་པར་ད་བར་རང་རེའི་སྤྱི་ཚོགས་ཀྱི་ཁྲོད་དུ་འཚེ་མེད་པའི་ཐབས་ལམ་འདིས་ཕན་འབྲས་ཇི་སོན་གྱི་ཐོག་དགེ་ལས་ཡོངས་པ་གསུང་བཤད་གནང། |
| |
 བོད་ལྗོངས་ང་ཚོའི་ཕ་ཡུལ་གྱི་ལས་འཆར། ( ༢༠༠༨།༠༥།༠༩)
མཐུན་མིན་བོད་ཀྱི་རིག་གཞུང་དང་གོམས་གཤིས་སྲུང་སྐྱོབ་ཡོང་སླད་འདི་ག་སློབ་གྲྭའི་ནང་དུ་ལོ་རྟག་གཞི་རྒྱ་ཆེ་བའི་བོད་ལྗོངས་ང་ཚོའི་ཕ་ཡུལ་གྱི་ལས་འཆར་གྲུབ་འབྲས་དང་ལྡན་པའི་ཐོག་ནས་ཚགས་ཚུད་འཇུག་སྐྱོང་གནང་གི་ཡོད། འདི་ལོ་འདི་ག་སློབ་གྲྭའི་འཛིན་གྲྭ་སོ་སོའི་སློབ་ཕྲུག་རྣམས་ནས། ཉེ་ཆར་གསུམ་བཅུ་དུས་དྲན་ནས་སྒོ་བརྩམས་ཏེ་བོད་ཕྱི་ནང་གཉིས་སུ་བོད་དོན་བདེན་པ་གསལ་ཕྱིར་ལས་འགུལ་ཇི་སྤེལ། དེའི་འབྱུང་རྐྱེན། དེའི་ཕན་འབྲས་ཇི་སོན་སོགས་ཀྱི་ཐོག་ལ་ལས་འཆར་གནང་ཡོད། |
| |
 འཛིན་གྲྭ་རྒན་པའི་དབྱིན་ཇིའི་བགྲོ་གླེང་འགྲན་སྡུར། ( ༢༠༠༨།༠༥།༠༢)
༢༠༠༨་ལོའི་རྒྱལ་སྤྱིའི་ལུས་རྩལ་འགྲན་སྡུར་རྒྱ་ནག་ཏུ་ཚུགས་འོས་སམ་ ཞེས་པའི་བརྗོད་གཞིའི་ཐོག་ལ་བགྲོ་གླེང་འགྲན་སྡུར་ཚུགས། དེ་སྐབས་ཁ་གཏད་ཀྱི་བརྗོད་གཞི་སྙན་སྒྲོན་ཞུ་མཁན་བགྲོ་གླེང་པའི་ཁྲོད་ནས་བཅུ་པ་བུམ་པའི་སློབ་བུ་བསྟན་འཛིན་བཟང་པོར་བགྲོ་གླེང་པ་རྩེ་ཕུད་དང། ཁས་ལེན་གྱི་བརྗོད་གཞི་སྙན་སྒྲོན་ཞུ་མཁན་བགྲོ་གླེང་པའི་ཁྲོད་ནས་བཅུ་བ་འཁོར་ལོའི་སློབ་བུ་བསྟན་འཛིན་བདེ་ལེགས་ལ་བགྲོ་གླེང་པ་རྩེ་ཕུད་ཀྱི་བྱ་དགའ་ཐོབ། |
| |
བོད་ཕྲུག་ཁྱིམ་སྡེའི་བསྒྲུབ་བྱ།
བོད་ཕྲུག་ཁྱིམ་སྡེའི་བསྒྲུབ་བྱ་ནི།ཁྱིམ་སྡེ་འདིའི་གཟིགས་སྐྱོང་འོག་ཏུ་ཚུད་པའི་སློབ་ཕྲུག་རྣམས་ལ་རང་རེའི་རིག་གཞུང་གི་ངོ་བོ་དང་མཐུན་པའི་ཤེས་ཡོན་ཐོབ་ལ་རང་རྐྱ་འཕེར་ཞིང།འབྱུང་འགྱུར་འཇིག་རྟེན་སྤྱི་ཡོངས་དང་ཡང་སྒོས་རང་རེའི་སྤྱི་ཚོགས་ཁྲོད་དུ་ཞབས་ཕྱི་རླབས་ཆེན་ཞུ་མཁན་འགན་འཁུར་ཡོད་པའི་མི་སེར་ཚད་ལྡན་ཞིག་ཏུ་གྱུར་ངེས་སེམས |
| |
བོད་ཕྲུག་ཁྱིམ་སྡེའི་དགོས་དམིགས།
- སློབ་ཕྲུག་རྣམས་ལ་ཕ་མའི་བྱམས་སྐྱོང་དང་བརྩེ་བ་མཐུན་རྐྱེན་སྦྱར་ཞིང། དེ་བཞིན་བོད་ཀྱི་ངོ་བོ་དང་རིག་གཞུང་གོམས་གཤིས་སོགས་ཀྱི་གོ་རྟོགས་ཙམ་མིན་པར་དེང་དུས་ཤེས་ཡོན་གྱི་གོ་བ་ཡང་ཆེས་ཆེར་སྤེལ་བཞིན་ཡོད། སློབ་གྲྭ་འདིའི་ནང་དུ་སློབ་ཁྲིད་ཐབས་ལམ་ལ་མཚོན་ནའང་ཤེས་ཡོན་ཇི་ཐོབ་མ་འོངས་རང་རྒྱུད་ལ་བསྟུད་མར་རགྱུན་གནས་ཐུབ་སླད་སློབ་མ་དབུས་བཞག་ཐབས་ལསམ་གྱི་ཐོག་ནས་སློབ་ཁྲིད་བཟང་པོའི་གོ་སྐབས་སྤྲོད་ཀྱིན་ཡོད། ལྷག་པར་དུ་ཤེས་ཡོན་གྱི་རྩ་བ་རིན་ཐང་ཅན་གྱི་ཡ་རབས་བཟང་པའི་གོམས་གཚིས་རྣམས་རང་ལ་ཐོབ་ཕྱིར་དེ་མཐུན་ཁོར་ཡུག་བསྐྲན་པ་དང། སློབ་ཕྲུག་རྣམས་མ་འོངས་པར་མི་སེར་ཚད་ལྡན་ཞིག་དང་རྒྱ་ཆེའི་སྤྱི་ཚོགས་ནང་དུ་གོམ་པ་མཉམ་སྤོ་དང་དུང་པ་མཉམ་འདེགས་ཐུབ་སླད་སློབ་གྲྭའི་ཕྱི་ནང་གང་རུང་དུ་དེ་མཐུན་ལས་གཞི་དང་བྱ་གཞག་འདྲ་མིན་སྤེལ་ཞིང། མི་ཚེའི་མདུན་ལམ་གྱི་སློབ་གོས་ཚད་ལྡན་ཐོབ་བཞིན་ཡོད།
- འཇོན་ཐང་དང་ལྷག་བསམ་དན་རྣམས་ལས་བྱེད་དུ་གསར་འཇུག་དང་རྒྱུན་གནས་ཐུབ་པ་བྱ་རྒྱུ།
|
| |
 |
|
ཞིབ་ཕྲའི་དད་སྦྱིན་མཚན་གཞུང་འདིར་གཟིགས་རོགས།
མཉམ་མེད་ ༧གོང་ས་མཆོག་དགུང་གྲངས་ ༧༠ སོན་པར་རྟེན་འབུལ་བྱང་ཆུབ་མཆོད་རྟེན།
 མཉམ་མེད་༧གོང་ས་མཆོག་དགུང་གྲངས་ ༧༠ སོན་པར་རྟེན་འབུལ་དང། ཡང་སྒོས་བསོད་ནམས་ཀྱི་ཚོགས་རྫོགས་ཆེད་འདིར་གནས་དགེ་ལས་སློབ་ཕྲུག་རྣམས་ནས་བྱང་ཆུབ་མཆོད་རྟེན་གྱི་ལས་གཞི་འགོ་བཙུགས་ནས་མཇུག་སྐྱོང་མ་ཐུབ་རར་ཕྱར་གྲུ་མཉམ་འདེགས་གནང་ནས་ད་གཟོད་ལས་གཞི་ལེགས་གྲུབ་བྱུང་པར་མཐུན་འགྱུར་རྒྱབ་སྐྱོར་གནང་མཁན་གྱི་བསྟན་པའི་དད་སྦྱིན་ཁག་ལ་སྙིང་དབཡས་ནས་ཐུགས་རྗེ་ཆེ་གྲངས་མེད་ཞུ།
དེ་བཞིན་རྩ་ཆེན་དུས་ཚོད་ཀྱི་འགྲོ་གྲོན་གཏོང་མཁན་དང་ཕྱར་བ་གྲུ་འདེགས་གནང་མཁན་ཡོངས་ལའང་ཟོལ་མེད་སེམས་ཀྱིས་ཐུགས་རྗེ་ཆེ་གྲངས་མེད་ཞུའོ།། ཞལ་འདེགས་ཐོ་གཞུང་འདིར་གཟིགས་རོགས། |
| |
སློབ་གྲྭའི་ཉིན་དེབ། ༢༠༠༨ 
ལོ་གཅིག་ཧྲིལ་པོའི་སློབ་གྲྭའི་བྱེད་སྒོ་ཁག་གི་ཞིབ་ཕྲའི་གནས་ཚུལ་དེབ་ཆུང་འདིར་བཀོད་ཡོད། དེས་ན་འབྲེལ་ཡོད་བཀུར་འོས་ཕ་མ་ལྷན་རྒྱས་རྣམ་པས་སློབ་གྲྭའི་བྱེད་སྒོ་དང། ལས་རིམ། དེ་བཞིན་གུང་སེང་ཁག་གི་ཞིག་ཕྲའི་གནས་ཚུལ་དེབ་ཆུང་འདིར་གཟིགས་གནང་ཡོང་བ་ཞུ། |
| |
སྤྱི་གསུམ་མར་མེ་ཁྲོམ་སྐོར།
ད་ལོའི་སྤྱི་ཟླ་གསུམ་པའི་ནང་ང་ཚོའི་སློབ་གྲྭའི་སློབ་མ་ནས་བོད་ཁྱིམ་གྱི་གོ་སྒྲིག་འོག་གཞི་རྒྱ་ཆེ་བའི་མར་མེ་ཁྲོམ་སྐོར་ནང་དུ་འཛུལ་བཞུགས་བྱེད་ཡོད་། ད་ལོའི་བོད་ནང་བྱུང་བའི་དོན་རྐྱེན་དེས་བྱེས་སུ་གནས་པའི་རྩམ་ཟན་ཡོད་དོ་ཅོག་དང་ལྷག་པརསློབ་གྲྭའི་་སློབ་མ་ཡོངས་ལའང་བོད་མིའི་སྐྱིད་སྡུག་ལ་ཚ་རླབས་ཞིག་རྒྱས་འདུག |
| |
རྒྱུགས་མཆོང་འཕེན་གསུམ་གྱི་རྩེད་འགྲན་༢༠༠༨
ད་ལོའི་སློབ་གྲྭའི་རྩེད་འགྲན་དེ་ནི་དྷ་ཤོད་ཀྱི་ལོ་རྒྱུས་ཐོག་ཆེས་དྲན་འོས་པའི་དུས་ཚིགས་ཞིག་ཡིན། གང་ལགས་ཞེས་ན་ད་ལོའི་ཆར་དུས་ཀྱི་རྐྱེན་གྱིས་རྩེད་ཐང་ལ་གནོད་ཚབས་ཆེན་པོ་ཞིག་བྱུང་། སྟབས་ལེགས་པ་ཞིག་ལ་རྩེད་ཐང་འཁོད་སྙོམས་ཡོང་ཆེད་སློབ་མ་དང་དགེ་ལས་ཚང་མས་ཆ་འབྲུ་མཉམ་འདེགས་ཀྱིས་རྩེད་མོའི་དངོས་གཞིའི་ཉིན་མོར་རྒྱུགས་མཆོང་འཕེན་གསུམ་གྱི་རྩེད་འགྲན་དེ་བཞིན་འགོ་བཙུགས་ཐུབ་པ་བྱུང་བ་དང་། རྩེད་མོའི་སྐུ་མགྲོན་གཙོ་བོ་སྤྱི་འཐུས་ཚོགས་གཙོ་ཀརྨ་ཆོས་འཕེལ་གདན་དྲངས་ཡོད། |
| |
|
|
.png){kind=small}
.png){kind=small}
ལེགས་སྤེལ་ཉེས་འགོག་གི་བསམ་ཚུལ་སྤེལ་རེས་ཡོད་རིགས་དགའ་བསུ་ཡོད་ཅིང། གཤམ་གསལ་དྲ་རྒྱའི་ཁ་བྱང་བརྒྱུད་ནས་འབྲེལ་བ་གནང་འཐུས།